Vrou 50 keer gesteek, lyk in bed gevind
2011-06-06 17:58
George – 'n 29-jarige vrou is met verskeie steekwonde dood gevind in haar bed in haar woonstel in George, het die Wes-Kaapse polisie Maandag gesê.
Sonè Romainne Lindoor is Sondagoggend laas gesien nadat sy haar aandskof klaar gewerk het, het kapt. Malcolm Pojie gesê.
Sy het nie die volgende dag 17:00 by die werk opgedaag nie.
"Toe sy nie by die werk opdaag nie, het 'n kollega na haar woonstel gegaan en die gru-vonds gemaak," het Pojie gesê.
Pojie het gesê Lindoor het sowat 50 steekwonde oor haar liggaam gehad.
Die ondersoek is aan die gang en die polisie het persone met inligting gevra om die ondersoekbeampte, Allie du Plessis, op 044 803 4762 of 082 380 0782 te bel.
Volg Nuus24 op Twitter
- SAPA