Vreemde 'vigskuur' onder soeklig
2009-11-20 09:26
Johannesburg - 'n Termiese masseerbed wat glo vigspasiënte ná 40 minute genees, word deur die ministerie van gesondheid ondersoek.
Die Sowetan het Vrydag berig die "Ceragem Clinic", waar 20 van dié "wonderbeddens" gehou word, aan Morokane Choma behoort.
Mense staan vanaf 02:00 soggens in die tou om hul 40 minute op die "wonder-beddens", wat glo enige kwaal, insluitend MIV/vigs, genees te kry.
Terwyl mense wag luister hulle na mense wat deur dié bed "gehelp" is.
Fidel Hadebe, woordvoerder van die departement van gesondheid, het gesê daar is baie mense wat beweer hulle kan kwale genees en het die publiek gewaarsku om versigtig te wees.
"Ons sal inspekteurs na die plek stuur en sal regstappe doen as enige bedrog gevind word."
Ceragem, 'n Koreaanse masseerbed, is nie by die Suid-Afrikaanse Buro van Standaarde (SABS) geregistreer nie.
Die vervaardigers van dié bed is in 2005 in Texas verban om valse "bevindings" oor die bed te maak.
– Sapa