Vragmotorstaking: Nóg 'n interdik toegestaan

2012-10-05 18:00

Johannesburg – Die arbeidshof het nóg 'n interdik toegestaan wat daarop gemik is om verdere geweld in die vragmotorstaking te verhoed, het die Padvragwerkgewersvereniging (RFEA) Vrydag gesê.

"Ons het die hof genader in 'n poging om die geweld aan te spreek. Die interdik maak dit moeiliker vir die vakbonde om voort te gaan met onwettige stakings," het Magretia Brown-Engelbrecht, woordvoerder, gesê.

Die RFEA het verlede week 'n interdik gekry om die geweld te stop wat daartoe gelei het dat vragmotors tydens die twee week lange staking aangeval en aan die brand gesteek is.

Vincent Masoga, woordvoerder van Satawu, het gesê werkgewers se poging om die staking te beëindig het misluk.

Die hof het beslis dat vakbonde 'n komitee moet vorm en mense moet aanstel wat sal verseker dat die staking vreedsaam verloop. 

Gesprekke wat daarop gemik was om die staking te beëindig het Donderdagaand misluk.

Bestuurders soek 'n verhoging van 12% terwyl werkgewers 'n aanbod van 8,5% gemaak het.

– Volg Nuus24 op Twitter.

- SAPA