Vragmotorkaper vas ná wilde jaagtog
2011-05-04 21:49
Johannesburg - Een man is in hegtenis geneem en twee ander is geskiet en beseer toe die polisie ‘n gekaapte vragmotor in Wierdabrug, Pretoria, agternagesit het.
Die polisie het ‘n wenk ontvang oor ‘n gekaapte vragmotor waarin sigarette verwoer is en twee motors wat gebruik is om die misdaad uit te voer, het kapt. Agnes Huma in ‘n verklaring gesê.
“Op die hoek van die R55 en Wierdastraat het die polisie die twee motors, ‘n BMW en ‘n Audi, gesien wat by die beskrywings gepas het.”
Die polisie het die motors agternagesit en ‘n skietery het gevolg. Die verdagtes in die Audi het dit agtergelaat en in die BMW, wat met ‘n blou lig en sirenes toegerus was, gevlug.
Die gekaapte vragmotorbestuurder en sy kollega is in die Audi se kattebak gevind.
“Hulle is in hul bolywe geskiet en is na ‘n nabygeleë hospitaal gehaas. Hulle is in ‘n stabiele toestand.”
Polisiebeamptes het die vragmotor agternagesit totdat die vermeende kaper by Sunderland Ridge beheer daaroor verloor het. Die 36-jarige man is in hegtenis geneem vir vragmotorkaping en die besit van gesteelde goedere.
- Volg Nuus24 op Twitter
- SAPA