Vragmotor ry fietsryer dood
2009-10-13 14:23
Durban - 'n Fietsryer is dood nadat hy onder die 'n swaar vragmotor beland en die vragmotor hom meters ver gesleep het.
Die vragmotorbestuurder het probeer om uit te swaai, maar kon nie betyds tot stilstand kom nie.
Die ongeluk het in Edwin Swalesrylaan op die M7 naby Wakeslieghstraat in Sarnia in die suide van Durban plaasgevind.
Chris Botha, 'n woordvoerder van Netcare, het gesê die man is per ambulans na die King Edward VIII-hospitaal geneem vir verdere behandeling.
"Die man het kort daarna aan sy beserings beswyk," aldus Botha.