Vrae oor landbou kwel, sê Mulder
2012-07-29 19:11
Johannesburg – Politici moet iets doen oor die onsekerheid oor die regering se landboubeleid, het Pieter Mulder, adjunk-minister van landbou, bosbou en visserye, gesê.
"Op die oomblik is die grootste probleem in landbou die onsekerheid oor grond en onsekerheid oor toekomstige inmenging van die regering by die landbou," het Mulder Vrydag by 'n byeenkoms van die Afrikaner-telersvereniging in Thabazimbi gesê.
Onsekerheid in die landbou word veroorsaak deur onverantwoordelike propaganda-uitlatings wat gemaak word met die oog op politieke gewin, het Mulder gesê.
Die politieke wil is nodig om die regte besluite oor grondhervorming te maak, en die regering moet minder by landbou inmeng, het hy gesê.
"Veertig persent van alle beeste in Suid-Afrika behoort aan gemeenskaps- en kleinboere," het hy gesê.
"Die probleem is dat hierdie boere net vyf persent bydra tot vleisproduksie in die land.
As hierdie persentasie verhoog kan word, kan dit 'n groot verskil maak om armoede in landelike gebiede te verminder, het hy gesê.
– Volg Nuus24 op Twitter.
- SAPA
