Voortrekkermonument word erfenisterrein

2012-02-20 15:10

Johannesburg – Die Voortrekkermonument in Pretoria gaan tot 'n nasionale erfenisterrein verklaar word om nasiebou en versoening te bevorder.

Nkosazana Dlamini-Zuma, minister van binnelandse sake, het dié aankondiging in Pretoria gemaak.

Sy sê verskeie monumente en gedenkterreine om vroeëre helde te vereer, sal later vanjaar onthul word, het RSG berig.

Dit sluit die huise van O.R. Tambo in Nkantolo en Winnie Madikizela-Mandela op Brandfort in, asook die tweede fase van die Ncome-museum by Vryheidspark.

Dlamini-Zuma sê verskeie grafte van vryheidstryders soos Walter en Albertina Sisulu, sal ook tot erfenisplekke verklaar word.

Volg Nuus24 op Twitter