Vonnis opgeskort ná dokter met pasiënt seks het
2010-06-01 15:36
Johannesburg – ‘n Mediese dokter wat skuldig bevind is van professionele wangedrag ná hy met ‘n pasiënt seks gehad het, het ‘n opgeskorte vonnis gekry, berig IOL.
Dr. Mashudu Silimela is verlede maand skuldig bevind deur die dissiplinêre komitee van die Health Professions Council of SA.
Hy sou van die raad se register verwyder word vir sy gedrag.
Dit sou beteken dat hy, vir solank as wat die vonnis geldig is, nie as ‘n dokter sou kon praktiseer nie.
Die komitee het egter besluit om sy vonnis vir drie jaar op te skort.
Silimela het onskuldig gepleit met die verweer dat hy en die vrou in ‘n romantiese verhouding betrokke was.
Die vrou het egter gesê dat hy teen haar wil seks met haar gehad het.
Sy het geïnsinueer dat hy haar voor die tyd bedwelm het.
Kliek hier vir die volledige storie
Volg Nuus24 op Twitter