Voetganger se lyk agter taxi aangesleep
2010-09-28 20:42
Johannesburg – Twee voetgangers het Dinsdag in twee afsonderlike voorvalle op Pietermaritzburg se paaie gesterf, het paramedici gesê.
“In die eerste voorval is ‘n 50-jarige man dood nadat hy deur ‘n taxi naby die Adendale-hospitaal raakgery is,” het Derrick Banks, ER24-woordvoerder, gesê.
Volgens Banks is die slagoffer se lyk sowat 50m agter die taxi aangesleep.
Die taxi-bestuurder het mediese behandeling geweier na afloop van die voorval.
Slegs twee ure later het in vrou in Northdale gesterf nadat sy deur ‘n afleweringsvoertuig raakgery is.
“Die slagoffer is op die toneel behandel alvorens sy na die hospitaal geneem is. Sy het egter later aan haar beserings beswyk.”
Volg Nuus24 op Twitter.
- SAPA