Voetganger kritiek ná fratsongeluk
2010-05-12 16:23
Johannesburg - ’n Man (36) is tans besig om vir sy lewe in die Charlotte Maxeke-hospitaal in Johannesburg te veg nádat hy in ’n fratsongeluk in Kempton Park betrokke was.
Die voorval het omstreeks 09:45 Woensdagoggend plaasgevind.
Die ongeluk is deur 'n kragopwekker wat agter op ’n vragmotor vervoer is, veroorsaak.
Die opwekker se uitlaatpyp het by die vragmotor se kant uitgesteek en ‘n voetganger wat aan die kant van die pad geloop het, teen die kop getref.
Netcare 911-nooddienste is na die toneel ontbied en die man met intensiewe kopbeserings aan die kant van die pad aangetref.
Paramedici het die man op ‘n asemhalingsmasjien geplaas.
‘n Helikopter met ‘n trauma-dokter aan boord het die man na die hospitaal vervoer nadat hy op die toneel gestabiliseer is, het Chris Botha, woordvoerder van Netcare 911, gesê.
-Sapa
Volg Nuus24 op Twitter.