Voertuignagmerrie by Mangaung-kongres

2012-12-15 14:22

Bloemfontein – Busse, vragmotors en die voertuie van ministers, afgevaardigdes en die media het Saterdag in 'n lang ry by die Tempe-weermagbasis in Bloemfontein gestaan om deursoek te word voor hulle die kampus van die Universiteit van die Vrystaat (UV) binnegaan.

Die ry was ongeveer 'n kilometer lank.

Alle voertuie wat die UV se kampus binnegaan moet eers by die militêre basis deursoek word. Die ANC se verkiesingskongres begin Sondag op die kampus.

"Dis 'n groot probleem," het een van die afgevaardigdes in sy motor gesê.

Elke voertuig word deursoek, waarna 'n plakker daarop aangebring word. Die polisie vergesel daarna die voertuie na die kampus.

"Hierdie is net 'n mors van tyd," het 'n ander motoris gesê.
 
Baie motoriste het uit hul motors geklim, gestrek, en musiek gespeel.

Al die ingange na die universiteit word deur polisielede bewaak.

Wanneer 'n voertuig die kampus verlaat, word die plakker verwyder, en die voertuig moet dan weer deursoek word.

– Volg Nuus24 op Twitter.

- SAPA