Vlieënier sterf toe helikopter val
2010-04-14 13:20
Johannesburg – ‘n Helikopter het Woensdag in Alberton neergestort en die lewe van die vlieënier geëis, het paramedici in Gauteng gesê.
Volgens Chris Botha, Netcare 911-woordvoerder, het die helikopter in ‘n resiesbaan vir knortjorre langs die R554 neergestort.
“Die vlieënier het op die toneel gesterf weens ernstige beserings. Daar is steeds nie duidelikheid oor waarheen hy op pad was nie,” het Botha gesê.
Na bewering was daar geen passasiers aan boord die helikopter nie.
“Die wrak het oor sowat 100m versprei gelê. Owerhede is nou op die toneel besig.”
-Sapa