Vlakplaas-bevelvoerder sterf

2013-03-07 09:22

Dirk Coetzee, (Foto: News24)

Johannesburg – Die voormalige Vlakplaas-bevelvoerder Dirk Coetzee is aan nierversaking dood terwyl hy 'n stryd teen kanker gevoer het, het Eyewitness News Donderdag berig.

Coetzee en sy kollegas van die geheime Suid-Afrikaanse polisie-eenheid by Vlakplaas naby Pretoria, was betrokke in talle gruweldade insluitende die moorde van die ANC-aktiviste Sizwe Khondile en Griffiths Mxenge.

Madeleine Fullard, hoof van die Nasionale Vervolgingsgesag (NVG) se taakspan vir vermiste persone, het gesê Coetzee was besig om die taakspan te help om die plek waar Khondile begrawe is, te vind.

"Mense sal onthou hoe Dirk voor die Waarheid-en-versoeningskommissie beskryf het hoe Khondile se liggaam vir ure gebrand het terwyl hy en sy kollegas 'n ent verder besig was om te braai," het Fullard gesê.

Coetzee is dood voordat hy kon onthul waar Khondile begrawe is.

Hy het op 4 Augustus 1997 amnestie van die Waarheid -en-versoeningskommissie (WVK) gekry.

Lees verder.

Volg Nuus24 op Twitter.

- SAPA