Visserman se lyk in dam gevind
2011-10-05 21:23
Johannesburg – Die lyk van ‘n man wat verdrink het terwyl hy visgevang het in die Modimola-dam in Mmabatho, Noordwes, is Woensdagmiddag gevind, het die polisie gesê.
Die 59-jarige man het verdrink terwyl hy Sondag omstreeks 09:00 visgevang het, het lt. kol. Lesego Metsi gesê.
“’n Vriend het gehoor hoe hy om hulp roep terwyl hy by die dam verbygestap het. Hy kon die man egter nie sien nie, aangesien hy reeds onder die wateroppervlak verdwyn het.”
Volgens Metsi was die man, wat as Phathekile Twangu uitgeken is, van Mmabatho afkomstig.
- Volg Nuus24 op Twitter
- SAPA