Visserman se lyk in Knysna gevind
2010-07-18 19:06
Knysna - Die lyk van 'n visserman is in Knysna gevind ná hy van die rotse af gespoel is, het die Nasionale Seereddingsinstituut (NSRI) Sondag gesê.
"Omstreeks 11:13 is ons vrywilligers ontbied ná berigte van 'n 51-jarige visserman wat van die rotse by Brenton-on-Sea af gespoel is," het Graeme Harding gesê.
Die man se lyk is uit die water gehaal en daar is bevestig dat dit die lyk van die vermiste visserman is.
Die man se vriend is ook afgespoel, maar hy kon na veiligheid swem.
'n Nadoodse ondersoek sal gedoen word.
Volg Nuus24 op Twitter