Vigs-medikasie pryse kos lewens
2009-07-20 13:34
Kaapstad – Die hoë koste van medikasie wat nodig is om Vigs pasiënte te behandel plaas duisende se lewens in gevaar, het die internasionale mediese hulpgroep, Medecins Sans Frontieres (MSF), Maandag gesê.
“Pasiënte wat ‘n nuwe siklus medikasie nodig het sal terugkeer na die doodstraf van vigs,” het hulle in ‘n verklaring gesê wat by die 2009 Internasionale Vigsvereniging konferensie in Kaapstad plaasgevind het.
Die MSF het ‘n beroep op mediese maatskappye gedoen om die patente van hul Vigs medikasie in ‘n “patente poel” te plaas om arm lande toe te laat om medikasie wat krities benodig word teen bekostigbare pryse te kan bekom.
Die poel is opgestel deur UNITAID, 'n internasionale organisasie wat daarna streef om vigs medikasie goedkoper en makliker beskikbaar te maak.
Getalle van ‘n ou publieke sektor in Kayelitsha het gewys dat 16% van pasiënte wat antiretrovirale behandeling ontvang, binne vyf jaar ‘n terugslag ervaar op hul eerste dosis medikasie.
“’n Kwart van die pasiënte wat oorgeskakel is na ‘n tweede dosis het binne twee jaar gefaal op die medikasie. Aangesien daar nie ’n derde dosis in Suid-Afrika, soos baie ander derde-wêreldlande, beskikbaar is nie, loop hierdie mense nou die risiko om te sterf.”
Anders as ander eerste dosis medikasie is meeste tweede en derde dosis vigs medikasie gepatenteer en buite finansiële bereik vir pasiënte in ontwikkelende lande.
Die MSF sê dat die patente poel sal toelaat dat generiese produseerders en navorsers lisensies om die medikasie te vervaardig te kry, in ruil vir ‘n fooi betaalbaar aan die stigtersmaatskappy.
- Sapa