Vierjarige verdrink in swembad
2010-07-17 18:31
Johannesburg – ‘n Vierjarige seun is drywend in ‘n swembad aangetref by sy ouerhuis in Minnebron, Brakpan, het paramedici gesê.
Volgens Chris Botha, Netcare 911-woordvoerder, het die voorval Saterdagmiddag omstreeks 13:00 plaasgevind.
Na bewering het die gesin die seun in die swembad gevind en paramedici ontbied.
“Nooddienswerkers het dadelik noodhulp op die slagoffer toegepas en die mediese helikopter ontbied. Dokters en paramedici het onverpoos gewerk om die seun se lewe te red,” het Botha gesê.
Die seun is na die Charlotte Maxeke-hospitaal vervoer waar hy kort na sy aankoms gesterf het.
Volg Nuus24 op Twitter.
- Nuus24