Vier vas vir plaasmoord

2011-11-02 18:01

Johannesburg – Vier mans wat daarvan beskuldig word dat hulle ‘n man op sy plaas in Dwaalboom vermoor het, is Woensdag in hegtenis geneem, het die polisie in Limpopo gesê.

Volgens lt. kol. Ronel Otto is die twee Zimbabwiërs en twee Mosambiekers Woensdagoggend in Rustenburg in hegtenis geneem.

Sy het gesê die vier mans het die 50-jarige man in Oktober in die kop geskiet en twee jaggewere by die eiendom gesteel.

Die polisie het ‘n vuurwapen teruggevind.

Volgens Otto sal die mans Donderdag in die Thabazimbi-landdroshof verskyn.

- Volg Nuus24 op Twitter
 

- SAPA