Vier vas vir diefstal by skole
2010-09-03 03:10
Johannesburg – Vier mans is in hegtenis geneem in verband met die diefstal van meer as 30 rekenaars by twee hoërskole in Sharpeville, het die polisie in Gauteng Donderdag gesê.
“Die vier verdagtes, tussen die ouderdomme van 17 en 20, is Donderdagmiddag in hegtenis geneem nadat hul glo rekenaars by die Hoërskool Lekoa Shandu en ‘n ander hoërskool in die omgewing gesteel het,” het ao. Aubrey Moopeloa, polisiewoordvoerder, gesê.
Na bewering het die verdagtes ook by ‘n winkel ingebreek en verskeie ander items gesteel.
Al drie misdade het tussen Woensdagaand en Donderdagoggend plaasgevind.
Slegs een rekenaar is reeds opgespoor. Die polisie hoop die gemeenskap sal hul kan help om die res te vind.
Die mans sal binnekort in Vereeniging in die landdroshof verskyn.
Volg Nuus24 op Twitter.
- SAPA