Vier vas vir bedrog
2010-07-27 02:36
Johannesburg – Vier mans wat vir bedrog in hegtenis geneem is, het Maandag in die magistraatshof in Nelspruit verskyn, het die polisie in Mpumalanga gesê.
Volgens sers. Gerald Sedibe is Dumisani Skhosana (28), Skhumbuzo Khakhi (31), Elmon Morgan (32) en Blessing Mokoena (30) elkeen borgtog van R2000 toegelaat.
Volgens Sedibe is die vier mans Vrydag in hegtenis geneem nadat hulle glo ‘n kredietkaart wat gekloon was, gebruik het.
Die kaarthouer het ‘n teksboodskap ontvang dat sy onderskeidelik R3000 en R2000 in Nelspruit spandeer het.
Toe die mans in hegtenis geneem is, het die polisie onder andere 49 Nedbank-kaarte in hul besitting gevind.
Daar is bevestig dat veertien van dié kaarte gekloon is.
Die saak is tot 23 Augustus uitgestel.
Volg Nuus24 op Twitter.
- SAPA