Vier sterf toe voertuig fietsryer tref

2013-01-01 15:02

Johannesburg – Vier mense is dood ná 'n afleweringsvoertuig 'n fietsryer Dinsdagoggend in Krugersdorp getref het, het paramedici gesê.

"Dit wil voorkom of die fietsryer deur die ligte afleweringsvoertuig getref is, en of hy op slag dood is," het Santi Steinmann, woordvoerder vir Netcare 911, gesê.

Die afleweringsvoertuig het daarna omgeslaan, wat tot die dood van drie insittendes gelei het.

Drie ander mense in die afleweringsvoertuig is beseer.

Een man met kritieke beserings is per helikopter na 'n hospitaal geneem.

– Volg Nuus24 op Twitter.

- SAPA