Vier sterf in gru-botsing
2009-11-01 06:00
Johannesburg - Vier mans is op slag dood nadat die bestuurder van die motor waarin hulle gereis het, beheer oor die voertuig verloor het.
Die ongeluk het Sondagoggend op die N3-snelweg in Germiston naby die Greylaan-afrit plaasgevind.
"'n Maroen Citroen C4 het deur die versperring teen die pad gegaan en aan die anderkant van die pad tot stilstand gekom," het die polisie in 'n verklaring gesê.
Die 41-jarige bestuurder van die motor en drie insittendes tussen die ouderdomme van 27 en 30 is dood.
"'n Voorlopige ondersoek toon dat die bestuurder van die motor se aandag afgetrek en hy van die pad gedwaal het," lui die verklaring verder.
Verkeer op die N3-snelweg is tot 04:00 ontwrig.
– Sapa