Vier skuldig aan moord op polisiebeampte
2011-11-01 18:51
Bloemfontein – Vier mans is daaraan skuldig bevind dat hulle ‘n Vrystaatse polisiebeampte twee jaar gelede doodgemaak het, het die polisie Dinsdag gesê.
Die Phuthaditjhaba-streekhof het Sam Mokoena, Morajang Monaheng, Thabiso Sekwati en Mzwakhe Maseko Maandag skuldig bevind aan moord en roof, het Mmako Mophiring, polisiewoordvoerder, gesê.
Sewe mans het insp. Mopedi Ramatlapeng op 21 Oktober 2009 aangeval toe hy ‘n man probeer help het wat aangerand en gesteek is in ‘n bakleiery oor ‘n hoed in ‘n taverne in QwaQwa.
Ramatlapeng is verskeie keer in die kop, voorarms en rug gesteek.
Die aanvallers het ook sy beursie, baadjie en selfoon geneem en die battery en radio uit sy polisievoertuig gesteel.
Die Valke het later die vier mans in hegtenis geneem nadat hulle in besit van Ramatlapeng se baadjie en selfoon gevind is.
Mokoena en Monaheng is ook daaraan skuldig bevind dat hulle Mathapane aangerand het.
Vonnisoplegging is tot 8 November uitgestel.
Die drie ander aanvallers word steeds gesoek.
- Volg Nuus24 op Twitter
- SAPA