Vier polisiebeamptes vas
2009-12-04 21:44
Durban – Vier polisiebeamptes is in hegtenis geneem vir korrupsie wat goedere ter waarde van R500 000 in Pietermaritzburg insluit, het die plaaslike polisie gesê.
“Ons duld nie korrupsie nie,” het kommissaris Mommonye Ngobeni in Durban gesê.
Die beamptes wat in hegtenis geneem is, het aan die Mountain Rise polisiestasie gerapporteer.
Al vier beamptes het onder verdenking gekom nadat onreëlmatighede gedurende ‘n ondersoek ontdek is.
Die ondersoek is van stapel gestuur nadat daar glo met misdaadstatistieke gepeuter is.
"Die saak word deur die Valke ondersoek,” het sy gesê.
Die beamptes is reeds ‘n maand lank uit hul pos geskors.
Ngobeni het gesê die beamptes staar sowat 51 aanklagtes van bedrog en korrupsie in die gesig.
Hulle sal na verwagting Maandag in die hof verskyn.
-Sapa