Vier klinieke in De Doorns sluit weens staking
2013-01-15 17:57
Johannesburg – Vier klinieke in De Doorns is Dinsdag gesluit weens die staking deur plaaswerkers, het gesondheidsbeamptes in die Wes-Kaap gesê.
“Ons kan nie bekostig om ons gesondheidswerkers wat by hierdie klinieke werk in gevaar te stel nie, so ons het besluit om die klinieke te sluit,” het die LUR van gesondheid, Theuns Botha, in ‘n verklaring gesê.
“Dit is nogals ironies om te dink die kwessie waaroor plaaswerkers staak gaan oor menswaardigheid, maar in dieselfde tyd ontneem die situasie ons pasiënte van ‘n basiese reg, soos uiteengesit in die grondwet.”
Botha sê daar is beter maniere vir die plaaswerkers om hul griewe te lug as om gewelddadig te wees.
Die departement het die Orchard-, Sandhills-, De Doorns- en Wolseley-klinieke tydelik gesluit.
“Dit is teleurstellend dat ons ons klinieke moes sluit en mense wat afhanklik van ons dienste is daarvan moes ontneem,” het Botha gesê.
Die plaaswerkers het verlede jaar begin staak en het aangedring op ‘n loonverhoging van R69 na R150.
Die staking is in Desember opgeskort, maar is verlede Woensdag weer hervat.
– Volg Nuus24 op Twitter
.
- SAPA
