Vier kinders sterf op 'pad van die dood'

2012-12-06 14:26

Johannesburg – Twee volwassenes en vier kinders het in ‘n tromp-op-botsing naby Touwsrivier in die Wes-Kaap gesterf, het verkeersbeamptes gesê.

Kenny Africa, provinsiale verkeershoof, sê ‘n motor het op die N1 vanaf Kaapstad gery toe die voertuig teen ‘n vragmotor gebots het.

Hy sê die vragmotor het vanaf Beaufort-Wes gereis toe die botsing sowat 40 km buite Touwsrivier op die berugte “pad van die dood” gebeur het.

Die ongeluk het Donderdag omstreeks 09:30 plaasgevind.

“Na bewering het die bestuurder van die motor aan die slaap geraak... en voor die vragmotor beland.”

Africa sê die kinders – tussen die ouderdomme van 12 en 15 – was op pad om by hul pa te gaan kuier.

“Hy is van die ongeluk in kennis gestel en het in ‘n toestand by die toneel opgedaag.”

Die vragmotorbestuurder het geen beserings opgedoen nie.

Die saak word deur die polisie ondersoek.

Volg Nuus24 op Twitter

- SAPA