Vier jeugdiges vas vir moord
2012-01-19 17:55
Johannesburg – Vier jeugdiges is in hegtenis geneem in verband met die moord op ‘n 26-jarige man in ‘n taverne in Jabulani verlede jaar, het die polisie in Soweto Donderdag gesê.
“Hulle het gedrink toe ‘n argument uitgebreek het en hierdie vier ouens het die 26-jarige maan aangeval. Hulle het hom in die maag gesteek en het bakstene gebruik om hom op sy kop te beseer,” het ao. Kay Makhubele gesê.
Die polisie het hom Woensdagaand in hegtenis geneem nadat hulle ‘n wenk ontvang het, het Makhubele gesê.
“Hulle word by ‘n plek van veiligheid gehou en sal binnekort in die Protea-landdroshof verskyn,” het hy gesê.
In ‘n aparte voorval is ‘n 33-jarige man in hegtenis geneem nadat hy sy 26-jarige meisie Woensdagoggend verskeie kere by hul huis in Zondi gesteek het.
Hy is later in die dag in hegtenis geneem, het Makhubele gesê.
Die vrou is na ‘n hospitaal geneem en ‘n saak van aanranding met die doel om ernstig te beseer is geopen.
Die motief vir die aanval was nie onmiddelik bekend nie, maar die aanklag kan na poging tot moord verander word
Die man sal ook binnekort in die Protea-landdroshof verskyn.
– Volg Nuus24 op Twitter
- SAPA