Vier dood in N3-ongeluk
2009-08-10 18:18
Johannesburg- Drie mense en een kind is Maandagmiddag dood toe ‘n taxi op die N3 noord van Hilton in ‘n vragmotor vasgery het.
Volgens Netcare 911 het die taxi agter in ‘n vragmotor vasgery. Vier mense, insluitende ‘n vyf jarige kind, is dood en 10 ander beseer. Twee van die beseerdes is in 'n kritieke toestand, terwyl die ander minder ernstige beserings opgedoen het.
Die beseerdes is almal na ‘n hospitaal in Pietermaritzburg vir verdere behandeling, geneem.
-Sapa