Vier dood, 1 vermis ná storms Limpopo tref
2010-11-02 04:10
Polokwane – Vier mense is dood en ‘n kind word vermis nadat storms en swaar reënval in Limpopo voorgekom het, het die provinsiale rampbestuur Maandag gesê.
Kitsvloede het Sondagaand daartoe gelei dat verskeie huise en motors weggespoel het, het Clayson Monyela, ‘n woordvoerder gesê.
‘n Vrou en haar twee kleinkinders is dood toe hul plakkershut deur die vloede getref is. Haar ander kleinkind is deur die vloede meegesleur en nog nie gevind nie.
‘n Motoris is dood nadat sy voertuig deur die vloede weggespoel is.
Volgens Monyela is meer as 30 huise oorstroom. Die sentrum het kospakkies, komberse en tydelike skuilings vir diegene wat deur deur die vloede geraak is aangebied.
- Volg Nuus24 op Twitter.
- SAPA