Verpleër wat kankerpasiënt verkrag terug in hof
2012-02-07 10:01
Johannesburg – ‘n Verpleër wat glo ‘n terminaal siek kankerpasiënt in ‘n hospitaal in Bloemfontein verkrag het, sal Dinsdag in die stad se landdroshof verskyn.
Die saak is verlede maand in die Bloemfontein-landdroshof uitgestel vir ‘n finale besluit deur die provinsiale kantoor van die direkteur van openbare vervolgings (DOV).
Die uitstel is gegee aangesien die advokaat wat die DOV se saak hanteer het in ‘n ongeluk betrokke was.
Die 33-jarige verpleër is in hegtenis geneem nadat ‘n 50-jarige kankerpasiënt beweer het sy was verkrag tydens ‘n nagskof by die Nasionale Hospitaal.
Die siek vrou se man het aan die polisie gesê dat die aanval op 15 Oktober plaasgevind het.
Die pasiënt, wat sedertdien gesterf het, kon nie die vroulike medepligtige wat die man glo gehelp het identifiseer nie.
Volgens die pasiënt het ‘n verpleegster haar vasgedruk terwyl die verpleër haar verkrag het.
Die man is op borgtog vrygelaat.
– Volg Nuus24 op Twitter
- SAPA