Verpleegster vas oor onwettige kliniek
2011-07-23 21:11
Kaapstad – 'n Verpleegster is in hegtenis geneem nadat sy glo 'n onwettige kliniek in Koffiebaai in die Oos-Kaap bedryf het, het die provinsiale gesondheidsdepartment Saterdag gesê.
Woordvoerder Sizwe Kupelo het gesê die 59-jarige vrou is Vrydag vasgetrek en "alles wat jy moontlik in 'n hospitaal kan gebruik" is in haar besit gevind.
Hy het gesê die verpleegster het medisyne, suurstoftenks en stetoskope in haar besit gehad.
Kupelo het gesê die departement moet nog vasstel of sy 'n aptekerslisensie het om medisyne voor te skryf.
Die verpleegster het pasiënte glo 'n R120-konsultasiefooi gevra om by haar huis behandel te word.
Volgens Kupelo is dit die vierde verpleegster in die afgelope twee maande wat gevang word dat sy 'n onwettige kliniek bedryf.
Die verpleegster sal Maandag in die Mqanduli landdroshof verskyn.
Volg Nuus24 op Twitter.
- SAPA