Vermoorde sanger se vrou bedrieg glo versekeraar
2010-03-01 14:50
Kaapstad - Die veroordeelde moordenaar Najwa Petersen word ondersoek vir vermeende bedrog ná sy haar versekeraars glo uit R35 000 bedrieg het.
Sy dien 28 jaar tronkstraf uit vir die moord op haar man.
Dié eis was vir items wat tydens 'n fop-rooftog in Desember 2006 by hul huis in Grasmerestraat, Athlone, gesteel is. Haar man, die musieklegende, Taliep Petersen, is tydens die voorval dood .
Volgens bronne het Zurich Insurance die geld aan haar uitbetaal.
Geen formele klagte is aanhangig gemaak nie, maar Petersen se prokureur, Reaz Khan, het bevestig dat sy ondersoek word.
– iol