Vermiste seun se lyk gevind
2009-12-31 17:35
Johannesburg – Die lyk van die vermiste vierjarige, Wayne Jonkers, is sowat 16km vanaf sy huis in Daniëlskuil gevind, het die polisie in die Noord-Kaap Donderdag gesê.
Volgens supt. Hendrik Swart, polisiewoordvoerder, is die seuns se lyk Woensdag gevind nadat hulle nuwe spore begin volg het.
Jonkers het op Oukersaand vermis geraak nadat hy glo agter sy pa aangeloop het wat by vriende gaan kuier het.
“Die ma het by die huis gebly en was onder die indruk dat die pa die seuntjie saamgevat het,” het Swart vroeër in ‘n verklaring gesê.
Met die pa se terugkeer op Kersdag het hulle eers besef die kind is vermis. ‘n Soektog is dadelik van stapel gestuur.
“Woensdag het ‘n plaaslike boer weer vars spore gevind en het die polisie teen laat middag op die seun se lyk afgekom sowat 16km vanaf sy ouerhuis,” het Swart gesê.
–Sapa