Vermiste meisie se lyk in bed gevind

2013-01-16 13:31

Kaapstad – Die lyk van ‘n vyfjarige meisie wat op Kersdag vermis geraak het, is in ‘n plakkershut in Khayelitsha gevind.

Daily Voice berig Lilitha Mgwebi het by haar huis vermis geraak terwyl sy saam met haar maats gespeel het.

Haar halfnaak lyk is Dinsdag onder ‘n kombers op ‘n bed in die hut gevind toe die eienaar van dié woning van ‘n vakansie teruggekeer het.

Die eienaar van die plakkershut moes ‘n graaf gebruik om die slot aan die deur oop te breek, omdat die persoon wat sy gevra het om die huis op te pas, nie tuis was nie.

Die kind se ma, Abongile (28), het aan die koerant gesê sy was vasbeslote dat haar dogter opgespoor sou word.

Kapt. Frederick van Wyk het bevestig dat die polisie op soek is na die huisoppasser.

Volg Nuus24 op Twitter  

- SAPA