Vermeende vraesteldiewe op borgtog vry
2009-11-24 15:17
Johannesburg – Nege mense wat daarvan beskuldig word dat hulle betrokke was in die uitlek van eksamenvraestelle, is deur die Nelspruit landdroshof op borgtog vrygelaat, het Mpumalanga polisie Dinsdag gesê.
“Agt van hulle is op R8 000 borgtog elk vrygespreek, terwyl die negende verdagte, wat ‘n tronkbewaarder is, R5 000 se borgtog ontvang het,” het kapt. Leonard Hlathi gesê.
Hulle saak is uitgestel tot 11 Januarie, wanneer hulle saam met drie ander sal verskyn wat in Oktober van dieselfde oortreding beskuldig word.
Kapt. Hlathi het gesê dat agte mense Saterdag in hegtenis geneem is en die negende persoon Sondag.
Onder hulle was ‘n tronkbewaarder wat ‘n internet kafee besit waar die eksamen-materiaal glo afgelaai is, sowel as ‘n werknemer by ‘n winkel.
Gedurende die inhegtenisname het die polisie beslag gelê op ‘n geheuestokkie, rekenaar toerusting en drie selfone waarop eksamen vraestelle afgelaai is.
Verlede maand het die onderwyser Milton Msimango (32) en die studente Patience Mkhantshwa (22) en Charity Xulu (23) in die hof verskyn in verband met dieselfde ondersoek. Hulle sal op 11 Januarie 2010 weer in die hof verskyn.
Volgens Zwame is nuwe vraestelle ingebring nadat daar van die uitlek van die vraestel gehoor is.
- Sapa