Vermeende rower sterf
2010-07-17 22:20
Johannesburg – ‘n Vermeende rower is Saterdag doodgeskiet tydens ‘n gewapende rooftog by ‘n supermark in Kagiso, het die polisie gesê.
Volgens ao. Solomon Sibiya, woordvoerder, het die polisie omstreeks 10:00 by die toneel opgedaag en die man op die grond gevind in ‘n plas van sy eie bloed.
“Hy is in die bors geskiet en deur paramedici dood verklaar op die toneel,” het Sibiya gesê.
Volgens die eienaar van die supermark het drie verdagtes probeer om die winkel te roof toe die sekuriteitswag op hulle losgebrand het.
“Die verdagtes het teruggeskiet. Die sekuriteitswag het drie skietwonde opgedoen. Hy is in die hospitaal opgeneem in ‘n ernstige toestand.”
Die ander twee verdagtes het op die vlug geslaan.
Volg Nuus24 op Twitter.
- SAPA