Vermeende rower gewond
2009-11-04 11:12
Johannesburg – ‘n Vermeende rower is gewond en saam met sy makkers in hegtenis geneem nadat hulle glo probeer het om ‘n besigheid in Booysens, Gauteng te roof.
“Die SAPD se 10111-noodlyn in Midrand het Dinsdagaand omstreeks 19:36 ‘n oproep vanaf ‘n besigheid ontvang oor ‘n rooftog wat besig was om plaas te vind in Praireweg,” het supt. Eugene Opperman, polisiewoordvoerder, gesê.
Met die blitspatrollie se aankoms op die toneel het ‘n skietery tussen die verdagtes en die polisie uitgebreek, waartydens een van die rowers gewond is.
Die mans sal na verwagting Donderdag in landdroshof in Johannesburg verskyn.
–Sapa