Vermeende ouermoordenaars se prokureur onttrek
2009-11-27 15:30
Durban – Danie Grundlingh, Nicolette en Hardus Lotter se prokureur, het homself Vrydag van hul moordsaak onttrek.
Nicolette en Hardus Lotter word daarvan aangekla is dat hulle hul ouers vermoor het.
Danie Grundlingh het die hooggeregshof in KwaZulu-Natal gevra om hom toe te laat om te onttrek ná ‘n besluit deur die hof dat die Lotters nie hul oorlede ouers se geld mag gebruik om die regskostes te dek nie.
Regter Vivienne Niles-Duner het onlangs hul aansoek vir kostes van die hand gewys en gesê dat ‘n persoon wat aangekla is nie voordeel kan trek uit sy of haar oortreding nie.
Nicolette en Hardus, sowel as Nicolette se voormalige kêrel Mathew Naidoo, is aangekla van die moord verlede jaar op Johannes en Magdalena Lotter in hul huis in Westville.
Die saak is uitgestel na 4 Desember om die Lotters kans te gee om ‘n ander prokureur te kry by die regshulpraad.
Naidoo is in Februarie op borgtog vrygelaat. Die ander twee is steeds agter tralies.
- Sapa