Vermeende mensehandelaars mag land verlaat

2012-04-10 15:06

Durban – ‘n Dokter en sy vrou wat van mensehandel aangekla word en daarvan beskuldig word dat hulle ‘n bordeel bestuur, het Dinsdag toestemming gekry om na Mauritius te reis.

Die Durbanse landdroshof het beslis dr. Genchen Ragnath en sy vrou, Ravina, mag na die eiland reis. Hulle is elkeen op borgtog van R30 000 vrygelaat.

Hulle is beveel om hul volledige reisplan en besonderhede oor hul verblyf aan die ondersoekbeampte te verskaf.

Hulle mag tussen 10 April en 7 Mei reis en moet hul paspoorte teen 10 Mei aan die owerhede oorhandig.

Die paartjie is vroeër vandeesmaand by ‘n luukse oord in Umhlanga, sowat 15 km noord van Durban, in hegtenis geneem.

Nonduzo Dlamini (23), Bhabha Dubazini (29) en Sandile Zweni het reeds in die hof verskyn in verband met die saak.

Dít kom nadat die polisie 24 meisies uit 'n gebou in Durban se Point-gebied gered het.

Volg Nuus24 op Twitter   

- SAPA