Vermeende kapers dood in skietgeveg
2011-11-11 18:12
Durban – Twee vermeende kapers is dood tydens 'n skietgeveg met die polisie in Umbumbulu, Durban, het 'n woordvoerder gesê.
Kapt. Thulani Zwane het gesê die twee mans het na bewering Donderdagaand 'n motor in Amanzimtoti, suid van Durban, gekaap en die motoris van sy juwele beroof het.
"Die Durban-Suid K9-patrollievoertuig was in die gebied en het reageer op 'n kennisgewing vir die gekaapte voertuig."
Toe die beamptes die motor sien, het die kapers geweier om stil te hou, waarna 'n jaagtog ontstaan het.
"Tydens die jaagtog het die verdagtes op die polisie losgebrand, waarna die polisie teruggevuur het. Die kaper het beheer oor die Dodge verloor en die voertuig het omgeslaan."
– Volg Nuus24 op Twitter
- SAPA