Vermeende kaper vas ná hy motorfietsryer tref

2013-02-15 11:38

Johannesburg – 'n Man is in hegtenis geneem nadat hy na bewering Vrydagoggend 'n voertuig in Rivonia gekaap het, het die Johannesburgse metropolisie gesê.

Beamptes wat verkeer op die brug oor die N1 in Rivonia herlei het, het gesien dat 'n voertuig roekeloos bestuur word en teen 'n ander motors bots, het hoofsupt. Wayne Minnaar, woordvoerder, gesê.

"Beamptes het hom agternagesit nadat hy 'n vrou op 'n motorfiets raakgery het. Dit is later vasgestel dat hy die rooi Atos twee blokke verder gekaap het."

Die motorfietsryer is nie ernstig beseer nie.

Die man in sy 30's staan tereg op aanklagte van kaping en roekelose en nalatige bestuur.

– Volg Nuus24 op Twitter

- SAPA