Vermeende dief vas ná wilde skietgeveg
2010-05-11 15:10
Johannesburg – ’n Vermeende motordief is in Ennerdale in hegtenis geneem nadat ’n skietgeveg tussen hom en die polisie uitgebreek het, het ’n polisiewoordvoerder gesê.
Konst. Edwin Ntsheo het gesê ‘n Volkswagen Polo is Maandag in Parkview as gesteel aangemeld.
Die maatskappy Tracker het omstreeks 23:00 Maandagaand die motor begin volg.
Tracker is deur die Ennerdale-polisiestasie en die metropolisie bygestaan.
Die bestuurder van die voertuig het egter beheer oor die voertuig verloor en ‘n ongeluk gemaak.
"Die verdagte het besluit om op die beamptes te skiet, maar is gegroet met skote deur die polisie.
Hulle het daarin geslaag om die persoon in hegtenis te neem en die motor terug te kry, het Ntsheo gesê.
Sy handlanger het egter gevlug.
-Sapa
Volg Nuus24 op Twitter.