Verkragter tot 15 jaar tronkstraf gevonnis
2011-04-19 23:00
Johannesburg – ‘n 22-jarige man wat skuldig bevind is aan verkragting is Dinsdag in Butterworth in die landdroshof tot 15 jaar tronkstraf gevonnis, het die polisie in die Oos-Kaap gesê.
“Thembile Thukutheni het ‘n 40-jarige vrou in September 2010 in 'n woud verkrag terwyl sy besig was om hout te versamel,” het kapt. Jackson Manatha, polisiewoordvoerder, bekend gemaak.
Thukutheni het die vrou bespring en met haar eie jagmes aangeval, waarna hy haar verkrag het.
Twee ander vroue het op hom afgekom en hy het op die vlug geslaan.
Volgens Manatha sal Thukutheni sy vonnis in die Butterworth-tronk uitdien.
Volg Nuus24 op Twitter.
- SAPA