Verkragter sit lewenslank

2012-11-16 15:31

Johannesburg – 'n Man wat sy 82-jarige buurvrou in New Hanover in KwaZulu-Natal verkrag het, is Vrydag in die Pietermaritzburg-hoggeregshof tot lewenslange tronkstraf gevonnis, het die SABC berig.

Avelo Tuswa, 25, het skuldig gepleit op die klag van verkragting.

Die 82-jarige vrou het Vrydag in die hof inmekaargesak ná sy gehoor het hoe regter Igna Stretch die vonnis uitspreek.

Sy is na 'n nabygeleë hospitaal geneem vir mediese behandeling.

Tuswa het in die hof gesê hy was onder die invloed van drank toe hy die misdaad gepleeg het.

Hy het gesê hy het verby die pensioenaris se huis geloop toe hy gesien het sy het die deur oop laat staan. Hy het haar gedreig en toe verkrag.

'n Dokter het bevestig dat die vrou ernstig in die aanval beseer is.

– Volg Nuus24 op Twitter.

- SAPA