'Verkragter' raak aan die slaap op vrou se bed
2012-12-11 16:30
Johannesburg – Die vermeende verkragter van 'n 82-jarige vrou is in hegtenis geneem toe hy ná die misdaad op haar bed aan die slaap geraak het, het die polisie in die Oos-Kaap Dinsdag gesê.
Inwoners van die Xilinxa-nedersetting in Ngqamakwe het die polisie ontbied toe hulle die 42-jarige man Maandagoggend in die vrou se bed betrap, het kapt. Jackson Manatha, polisiewoordvoerder, gesê.
Die man is toe in hegtenis geneem.
Manatha het gesê die bejaarde vrou het wakker geword toe die man haar kamerdeur Sondag 23:00 oopgemaak het.
Hy het haar met 'n mes gedreig en na bewering verkrag, voor hy aan die slaap geraak het.
Manatha het gesê die vrou het die man op haar bed gelos en haar seun, wat in 'n ander kamer geslaap het, wakker gemaak.
"Haar seun het inwoners gaan roep en die polisie is ontbied."
Die man, wat as 'n vriend van die vrou se seun geïdentifiseer is, word by die Ngqamakwe-polisiekantoor aangehou.
Hy sal Woensdag op aanklag van verkragting in die Ngqamakwe-landdroshof verskyn.
– Volg Nuus24 op Twitter
- SAPA
