Verhoor van 'Modimolle-monster' duur voort
2012-11-23 08:15
Johannesburg – Die verhoor van Johan Kotzé, wat daarvan beskuldig het dat hy die verkragting op sy eksvrou beplan en haar seun vermoor het, sal Vrydag in die Pretoriase hooggeregshof voortduur.
Die hof het Donderdag gehoor dat Andries Sithole, een van Kotzé se medebeskuldigdes, met die dood gedreig is indien hy nie Kotzé se eksvrou, Ina Bonnette, verkrag nie.
Jan van Rooyen, Sithole se regsverteenwoordiger, het aan Bonnette gesê dat hy slegs deelgeneem het omdat hy bang was dat Kotzé hom sou skiet.
Kotzé, Sithole, Pieta Mohlane en Sello Mphaka word van die moord op Bonnette se 19-jarige seun, Conrad, beskuldig en dat hulle haar op 3 Januarie ontvoer, herhaaldelik verkrag, aangerand en probeer het om haar te vermoor.
Kotzé het erken dat hy Bonnette se seun geskiet het, maar bewee die skoot het afgegaan toe hy hom laat skrik het deur te vra waar sy ma is.
Hy het ook erken dat hy Bonnette se een bors met 'n tang geknyp en 'n naald in haar bors gedruk het tot sy begin bloei het.
Hy beweer egter hy was daardie dag buite homself en kon hom nie beheer nie en dat hy nie bedoel het om haar seer te maak nie.
Bonnette het onder kruisondervraging deur Sithole se regsverteenwoordiger erken dat Sithole, Mohlane en Mphaka haar nie gemartel en aangerand het nie.
Sy het gesê hulle het reageer op die instruksies van Kotzé, wat sy as "manipulerend" beskryf.
– Volg Nuus24 op Twitter
- SAPA
