Verhoor begin ná vyf drawwers sterf
2013-02-18 09:03
Johannesburg – Die verhoor van Sibusiso Langa, wat daarvan beskuldig het dat hy vyf drawwers omgery het, sal na verwagting Maandag in die Pretoriase hooggeregshof begin.
Langa, 'n meganiese ingenieur, was na bewering dronk toe hy op 23 Oktober 2011 sy Mercedes Benz ML500 in die groep drawwers geploeg het.
Die drawwers het voorberei vir die Soweto Marathon. Vier vroue en 'n man is dood en nóg 'n man is met kritieke beserings in die hospitaal opgeneem.
Tydens Langa se laaste hofverskyning op 11 Mei in die Pretoriase landdroshof, het die staat gesê hy staan tereg op vyf aanklagte van moord, een van poging tot moord en aanklagte wat verband hou met dronkbestuur.
Langa is in Oktober borgtog van R80 000 toegestaan. As deel van sy borgtogvoorwaardes moes Langa, wat ook Amerikaanse burgerskap het, albei sy paspoorte en sy rybewys inhandig.
Luidens 'n beëdigde verklaring wat tydens sy borgtogaansoek ingedien is, sal Langa nie die aanklagte teenstaan nie.
Twee weke is opsygesit vir die verhoor.
– Volg Nuus24 op Twitter
- SAPA
