Vergadering oor e-tolstelsel volgende week hervat

2012-10-05 18:03

Johannesburg – 'n Vergadering deur die inter-ministriële komitee oor die e-tolstelsel en Cosatu sal volgende week weer hervat word.

"Daar is Vrydag beslis dat albei partye meer tyd benodig om die voorstelle wat op die tafel geplaas is te oorweeg," het Thabo Masebe, woordvoerder van adj.pres. Kgalema Motlanthe wat aan die stuur van die kabinet se e-tol-taakspan is, in 'n verklaring gesê.

Dít kom nadat die regering sy planne vir die implementering van die e-tolstelsel in Gauteng Vrydag sou aangekondig het.

Masebe het egter Donderdag gesê dié aankondiging kan dalk vertraag word.

"Dit word steeds gehou, maar die tyd is weens 'n ander vergadering met belanghebbendes nog nie vasgestel nie. Die aankondiging kan selfs tot Saterdag vertraag word," het hy in 'n SMS-boodskap gesê.

Die "belanghebbendes" sluit glo die vakverbond Cosatu in.

Patrick Crave, woordvoerder van Cosatu, het vroeër gesê die regering sal "te vinnig wees" indien hy voortgaan met die aankondiging.

– Volg Nuus24 op Twitter.
 

- SAPA