Verdagtes dalk vry ná moord op Tyibilika
2011-11-19 15:42
Kaapstad – Die drie verdagtes wat in verband met die moord op die oud-Springbok Solly Tyibilika in hegtenis geneem is gaan moontlik vrygelaat word.
Lt.-genl. Arno Lamoer, Wes-Kaapse polisiekommissaris, het aan die Cape Argus gesê die polisie kon nie die drie verdagtes met die aanval verbind nie.
Tyibilika (32), oorspronklik van die Oos-Kaap, is doodgeskiet terwyl hy in Guguletu saam met vriende in ’n taverne gesit het.
Sy vriend, Dan Shumane (25), wat ten tyde van die voorval saam met hom was, het die voorval oorleef.
Lamoer het ‘n beroep op die publiek gedoen om na vore te kom indien hulle enige inligting het wat die polisie kan help met hul ondersoek.
– iol.
– Volg Nuus24 op Twitter.