Verdagte sterf in skietery met polisie

2012-11-15 14:25

Johannesburg – ‘n Man wat vir ‘n rits misdade gesoek was, het in ‘n skietery met die polisie in die Sonkontshe-gebied in Hammarsdale gesterf, het die polisie in KwaZulu-Natal gesê.

Kol. Vincent Mdunge sê die polisie was Woensdag op soek na Zama Vilakazi, wat in verband met 20 misdade, soos moord, huisbraak en poging tot moord, gesoek was.

“Lede wat die verdagte se huis wou opspoor, het hom met twee ongeïdentifiseerde mans gesien.”

Polisiebeamptes het die drie mans genader en hulle gekonfronteer.

Twee van hulle het op die vlug geslaan, terwyl Vilakazi op die polisie begin skiet het. Hy is raakgeskiet toe die polisie teruggeskiet het.

‘n Ongelisensieerde vuurwapen is op die toneel gevind.

Volg Nuus24 op Twitter  

- SAPA